Sadak...........

kya sadak aur jeevan ek doosre ke samroop hain? ,
nahi asamaantayein dono main prachoor hain .

sadak to antheen hai, kintu,
jeewan ka antt ek deen zaroor hai,

kintu zara socho, sadak pe anjane raahgeero ka basera hai ,
hamari zindagi main bhi to ajnabiyon se hi sawera hai ......

laakh vishmtaon ke viprit sadak chalti jaati hai ,
yahi sabak wo jeevan ko bhi sikhati hai .

aao hum sab milke iss sadak ko hi apna paryaay banaye ,
utho abhi bhi samay hai ,apne zindgi main chalo ek naya adhyaye banaye.......