Navtarang.......

Dhundh hatega ,samay ka chakra badhega
Ek naya kal phir se aayega ,andheron ko cheer ,
Roshni aayegi ,ek naya kal phir se aayega …

Urna mat chor aasmano main,asambhaw kuch ,
Bhi nahi armaano main,apne hi hotey hain
Mehmaano main,dhoond to sahi ,khusiyaan
Hi milengi tujhe gam ke tehkhaano main..
Ek naya kal phir se aayega ….

Dharti ka ghoonghat khol,phir ankurit hoga ,
Jeewan,hausle phir se baheinge bankey nirmal ,
Kanchan ,amrit hi milega ,zara kar to tu manthan..
Ek naya kal phir se aayaega ……

Vishamta ke taaboot main,lageinge phir ghoon,
Tu nayi simaayein paribhaasit kar,chala kar
Sirf apne hriday ki sun…..kyonki
Ek naya kal phir se aayega ……

Jisko aana hai ,usko jaana bhi hai ,
Yahi ek sach sabne maana bhi hai …
Jo paroksh hai,uss se mat dar …
Pratakshay ko saath leker sadaiw badh….
Kyonki ek naya kal phir se aayega …..

Lo baaton baaton main hi ,duniya jagmaga gayi…
Baadlon ne rasta diya to ullaass ki barish bhi ,
Aa gayi ,chanik tha, kritrim tha ,amawas ….
Wo gaya…kilkaariyon ki chaandni ab jagmaga rahi….
naya kal ,naye sawere ke saath dekho aaya
Hai..sang apne hazarron naye sapne laaya hai…..